Les emprunts d'un seigneur Breton en Suisse au XVIe siècle!

Procuration passée le 5 novembre 1575 devant Notaire en la cour de la cité libre impériale de Strasbourg par Guy comte de Laval à son écuyer Gilles de Ravenel qui est mandaté pour emprunter auprès des républiques Suisses de Zurich, Berne, Bâle, Genève une somme de 6000 écus ou plus.

deux sceaux de papier - l'un de Guy comte de Laval, effacé, l'autre de la chancellerie de Strasbourg en très bon état. On peut noter par ailleurs que Guy comte de Laval, XIXe du nom est le fils de François d'Andelot de Coligny, marié à Claude de Rieux qui a introduit le Calvinisme en Bretagne.

sur vélin 50x37cm

Sachent tous ceulx qui ces presentes verront et orront Que par devant les commis et deputez de la cite libre Imperiale de Strasbourg et signament le greffier et secretaire Jure de Messeigneurs les quinze en la dicte chancelerie de laucthorite Imperialle Notaire Tabelion publicq soubz signe personnellement estably hault et puissant monseigneur Guy conte de Laval, de Montfort de Quintin et de Harcouet Lequel de son plein gre pure et franche volonte sans contrainte ou seduction aucune A cree nomme ordonne et estably et par la teneur des presentes cree nomme ordonne et establit pour son procureur general et messager special Noble Gilles de Ravenel escuyer sieur de la Mesryais son familier et ayant ses affaires - Auquel il a donne et par ces presentes donne plain pouvoir aucthorite et mandement de prendre par forme de prest pour et au nom de mon dict seigneur des magnifiques seigneurs des republiques de Zurich Berne Basle Geneve ou autres seigneuries republique commnaultez seigneuriat gentilshommes - marchant et personnes privees et particulieres six mil escuz sol et plus ou moins ansi quil en pourra recouvrer pour ledict sieur comte A tel proffist et interest et pour tel temps quil avisera avec ceulx qui la presteront et dicelle somme ou sommes en passer une ou plusieurs obligations pour obliger le dict sieur conte au paiement et remboursement dicelle en toute forme autentique avec tous et chacuns ses biens meubles immeubles presens et advenir tant envers ceulx qui deluiveront les dites sommes que ceulx qui en respondront comme cautions [ fiances ] ou [ rurefiancent ] du dit seigneur conte pour les indemniser et descharger des sommes principales rente arreaiges despens dommaiges Interestz qui pourroient en avoir a faulte de paier les sommes qui seront empruntees pour luy aux lieux et temps suivant les conditions qui seront portees par les obligations qui en seront consantyes par son dict procureur que le dict seigneur celui promect avoir agreables comme si par luy avoient este faictes luy donnant en oultre pouvoir de substituer en son lieu si besoing est un ou plusieurs procureurs avec semblable pouvoir et puissance et generallement de faire gerer negocier et [] pour le recouvrement de la dicte somme ou sommes tout ce que le dit seigneur conte pourroit faire si present en personne y estoit Promectant le dit seigneur conte par sa foy donner corporellement et en foy de gentilhomme ledit greffier et notaire soubzsigne stipulant avoir et tenir agreable observer et accomplir tout ce que par son dit procureur ou ses substitutz sera fait contract passe et oblige ou choses susdites et Iceulx relever garantir et indemniser sur le tout soubz obligacion et ypotheque expresse de tous et chacuns ses biens meubles et Immeubles presens et advenir se soubmectant pour ce faire A toute cours juridictions et contrainctes tant du Saint Empire que ailleurs renoncant a toutes exceptions privileiges franchises et droictz dont Il se pourroit ayder pour contrevenir ces presentes specialement au droict disant la generalle renonciation non valloir si les [pals] ne precede - en tesmoingage de verite sont aux presentes signe de la main du dit seigneur conte et du dit greffier des quinze et en sceau des [avucats] des dits seigneurs et de la dite cite de Strasbourg y apposes - Donnes le samedy cinquiesme jour de novembre lan de grace notre seigneur Mil cinq cens soixante quinze -

signature de Guy de Laval et du notaire

transcription M. Lopez