Charte du 27 février 1399 V.ST. (1400 N.ST.) passée en la cour de
Vitré par laquelle Jehan DENACE seigneur de la Motte vend une pièce de terre nommée le
Clos en la paroisse de Brielles (Ille et Vilaine) à Guillaume Tueboeuf et Jeanne Guyhart
sa femme, moyennant le paiement d'une rente de 6 sous de rente payable à chaque terme de
la Pentecôte.
Sachent touz que par notre court Jehan de Denace seigneur de la Mote de Grouin furent et se representerent en droyt davant nous personnellement establiz Guillaume, seignor de Tuebouff et Jahnne Guyhart sa compaigne authorizee de luy - a la requeste de elle suffisamment par davant en tant comme moystier est eulx chacun delx o lauttez des dits submetanz et de fet se submis et touz lours biens ou povoair juridicion [colacion ] de notre dite court aux chouses et chacune contenuz en ceste presente lectre et congnus et confessent par davant nous et a de ceites sont congnoessant et confesse que des le temps apres la naptivite Notre Seigneur lan que dit fait mil IIIc IIIIxx seze Ilz avoint baillie cessie quite et transporte et encore di cest pour bailler cessent quitent et transporterent on nom delx et de lours hoirs et celx qui par durablement auront cause delx en tant comme le pouvet o debeat fere a Jouhan le Roux et a Guillemete sa femme qui delx avaint prins dou temps de presens dessus dit et encore prenent aceptent pour elx lours hoirs et ceulx que perdurablement aront tans delx une piece de terre nommee Le Clous dict [Cloemes] saise pres la planche apellee la planche au moenne saise en la proaisse de Brieilles soulz notre seignorie - comme ils congurent et comme aultre chouses se poursuivent o tout lour appartenance quelxconques joignant dun couste et dun bout a la terre desdiz prenours et dautre couste a la terre de la meterie de la Tellerie et achieve dun chieff au russel qui descent de lestant de Sallee - laquelle baillee dessus dite celx baillours dou temps de present louent approuvent ratiffient et confirment dou tout en tout sans nulle revocation en aucune maniere - Avoir tenuz [ possayssion] joir et espletter telle chouse baillee aux diz amez lours hoirs et aux ayans causes et enfere des [o.es] en matiere conte lour pleine voulonte comme de lour propre heritaige pour en obeir pour celx baillours lours hoirs et cause ayans delx ou temps present a venir a la charge de un denier de rente en denier ancien que celx prenours sont tenus payer et en oultre pour en paie et rendre celx Jouhan le Roux et sa femme lours hoirs et cause ayans delx aux diz baillours lours hoirs et a celx qui cause auront delx par chacun an au terme et par chacune feste de penthecouste seix soulz de rente sommes que ilz sont tenuz en payer aux diz baillours et a lours hoirs et a celx que cause aront delx a les rendre et aporter ou lieu de Brietes estant sis en la proaisse dessus dite pour estre aux diz baillours ou a lours giens et officiers cy deputez et lour en ont oblige et obligent celx prenours eulx lours hoirs et touz lours biens moubt et la dite piece baillee rendre et executer le terme tell cas dessus comme seignour de fe o tant pour prinscipt que pour les dommaiges desquelx le port de ceste lectre sera eu par son simple dit pour partie [premiere] - et partant celx Tuebouff et sa dite compaigne presante doyvent promirent et sont tenuz celle chouse bailliee comme dit et jurent deffaiere et delivrer aux diz le Roux sa dicte femme et lours hoirs de touz nos cenz et contre touz aux usemens et coustume du pays sur lobligacion delx et de lours biens et de touz lours biens a ce davant nous expressement obligiez et que james en celle chouse delx bailliee rien ne aucune ne demenderont ne feront demander partie ne reclamer en nulle maniere sauff a eulx a fe joir des rentes juridicion quelx y ont retenus par la baillee dessus dite et uncore retiennent en tant comme ilx le promettent fere - ainsy les y ont establiz par celx seignours et au cours comme en lour propres chouses et a le remectront et a le remectrent celle part et chacune pour tant contre luy touche a ce que ne suspecter en contre la tenour et execucion de cette lectre obiez citations [ ]supposition plegemens exces due ne matiere quelconque ne demander jouir jugie ne terme [dep ] et generalement a touz autres dillacions de las impeschemens quelxconques en contre cest present fet pouvant estre ains ou oppousez tant deffet que de droyt aux quelles chouses chacune tenir fournir et accomplir en bonne fey sanz en contre venir par eulx ne autres en mille manieres ou temps avenir celle partie et chacune pour ce que luy touche davant nous present confessans les chouses dessus dites estre vray et de lours assentemenz condapnames et comdapnons par le jugement de notre dite court par le sermens de lours corps sur ce donnez et baillees en notre main - ces fut donne tesmoin le sceau establi aux coutz de notre dite court sauff notre droyt le samady penultieme jour du moys de febvrier lan mil IIIc IIIIxx dez neff contrat delivre [ ] a tout cause delx ce [ ] passe que appartiens dans cours dessus - passe Pierrot GAUDET